Rrjeti i Qendrave Burimore në Mal të Zi, në kuadër të Katalogut të Trajnimeve për vitin 2025, organizon trajnimin me temën “Marrëdhëniet me publikun dhe menaxhimi i rrjeteve sociale”.
Qëllimi i këtij trajnimi është përvetësimi i njohurive mbi konceptin e komunikimit, marrëdhënieve me publikun dhe me mediat. Gjithashtu, trajnimi synon t’u ofrojë përfaqësuesve të organizatave të shoqërisë civile aftësi dhe informacione të nevojshme për analizën, vlerësimin dhe krijimin e mesazheve efektive në një gamë të gjerë mediash digjitale.
Për të ndjekur këtë trajnim mund të aplikojnë organizatat e shoqërisë civile, duke deleguar një përfaqësues/e që është i/e përfshirë në mënyrë aktive në punën e organizatës.
Përzgjedhja e pjesëmarrësve/ do të bëhet në bazë të motivimit të tyre, me përparësi kanë organizatat që nuk kanë marrë pjesë më parë në trajnime të ngjashme. Do të përzgjidhen gjithsej 16 përfaqësues/e (një për çdo organizatë).
Trajnimi do të mbahet më 19 – 21 qershor 2025, në Andrijevicë, hotel Komovi.
Përfaqësuesit/et që dëshirojnë të aplikojnë duhet të plotësojnë formularët e aplikimit dhe t’i dërgojnë vetëm në adresën e e-mailit crnvo@crnvo.me, më së voni deri më 12 qershor 2025, në orën 15:00.
Rrjeti i Qendrave Burimore, si organizator i trajnimit, do të sigurojë materialet për punë, akomodimin dhe ushqimin për pjesëmarrësit në trajnim.Shpenzimet e udhëtimit do të rimbursohen në shumën e biletave të autobusit që pjesëmarrësit/et do të dorëzojnë për verifikim, si dhe në shumën e shpenzimeve të karburantit të llogaritura sipas faqes Michelin (është e domosdoshme të bashkëngjitet fatura për karburantin).
Aplikimet që arrijnë pas afatit dhe ato të paplota nuk do të merren në konsideratë.
Për çdo pyetje shtesë, mund të na kontaktoni përmes e-mailit: crnvo@crnvo.me ose në numrat e telefonit: (+382) 20 219 120.
